Soupe aux brocolis / ბროკოლის სუპი, უმარტივესი

 სამზარეულოში პროდუქტის პატივისცემა ჩემთვის ერთერთი უმთავრესი პრინციპია. თუ მიჩეხ-მოჩეხე, ათასი საკმაზით გადაფარე და ან კიდევ ნახევარი კარტოფილი გათლისას კანს გააყოლე - ელემენტარული კულინარიული უზრდელობაა და მეტი არაფერი. ჰოდა, ესეც ბროკოლის სუპი, ნაპატივები და დაფასებული - ცოტა მარილიანი მომივიდა და ნაღები დავუმატე თორემ უფრო მწვანე იქნებოდა. უგემრიელესი და უმარტივესია. რაც მტავარია უჯანსაღესი. 100 გრამი ბროკოლი სულ რაღაც 29 კალორიას შეიცავს. სანამ მთავარ კალორიულ კერძზე გადახვალ, სალათის ან სუპის ჭამას თუ დაიდებ წესად ჩემსავეთ, კუჭში ცხიმიანი საკვებისთვის ნაკლები ადგილი დაგრჩება. თან არც მოიკლებ და დარჩები გურმანი. კვირაში ერთ ორჯერ კიდევ იმიტომ დავრბივარ რომ მიყვარს ღვინო, პური და კარაქი :პ დიეტის ჭკუა რა ვთქვი, მთავარია სწორად ჭამო. ცოტაც სპორტი და ცოტაც ბროკოლის სუპი :პ

ბროკოლი

წყალი

მარილი

აადუღე მარილიანი წყალი. იქეთ ბროკოლს დააჭერი უხეში ფეხები.რომ ადუღდება, ბოსტნეული ჩაყარე თუხთუხა წყალში და მოხარშე. "მოხარშე"-ში "ჩახარშე" და "ჩაფუფქე" არ იგულისხმება, პატივისცემის ამბავში. დაახლოებით 8 წუთში იხარშება. ამასობაში, ჯამში ჩაყარე ბლომად ყინული და დაასხი წყალი. ეს ეტაპი შეგიძლია გამოტოვო, მაგრამ ამ ტექნიკით ნებისმიერ მწვანე ბოსტნეულს ხასხასა ფერი უნარჩუნდება, ოხრახუშსაც კი და გასწავლი გზად. რომ მოიხარშება,( ოდნავ ხრაშუნა უნდა დარჩეს) ამოიღე თითო თითოდ და ყინულიან წყალში ჩაუშვი. ასე ფერი ფიქსირდება. იცოდე მაინც - მწვანე ლობიო, ბროკოლი, ისპანახი - რაც მწვანეა ამგვარად შეგიძლია მოამზადო და გასაფორმებლად ლამაზია. მოკლედ, მარილიანი წყარი თავლზომით დატოვე, რა კონსისტენციის სუპიც გიყვარს იმის მიხედვით. თუ ნამეტანი მარილიანია, წყალი ჩაუმატე. მერე დააბრუნე ბროკოლი თავისივე  ნახარშში და დააბლენდერე. მე ნაწილ წყალს ვინახავ და ნელ-ნელა ვამატებ, არც ძაან თხელი რომ მომივიდეს და არც ძაან სქელი. გასინჯე. თუ მარილი აკლია დაუმატე. შეგიძლია შავი პილპილიც უყო. წინადღის პური თუ გაქვს გახუხე, ნიორი წაუსვი ყველა მხრიდან და ჩხირებად მოუწყვე. ნივრიანი პურები თან ხრაშუნა ტექსტურას უხდება თხევად სუპთან ერთად, თან ბროკოლის მოტკბო გემოსაც აბალანსებს. ათქვეფილ ბროკოლს გემო სრულიად ეცვლება და დამიჯერე, უმაგრესია!

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Gâteau de semoule au caramel / ბურღულის ნამცხვარი კარამელით

ძალიან სასაცილო ისტორიაა პირველად რომ ბურღულის ნამცხვარი გავაკეთე. ჩემი ქმარი მეხვეწებოდა, სემულის ნამცხვრის რეცეპტი იშოვე და გამიკეთეო. ვყვარობო ძაანო. ჰოდა სადაბადებისდღეოდ ვიფიქრე გავუმზადებ. მასალაში ეს სემული მჭირდებოდა, კი არ ვიცოდი რა არის. გამომიღო ოლივიემ რაღაც, ჰოდა ეს არიო. კარგი მეთქი. დავიწყე კეთება და ფაფისმაგვარი რამ კეთდება თავიდან. ბიჭოს, გემო გავუსინჯო. ერთიც ვნახოთ, "მანი ქაში" არაა? :D მანა ყოფილა თავნაფქვი ბურღული ქართულად და ქაში კიდე ხო ფაფაა, რა თქმა უნდა, მარა ბავშვობაში ასე ვეძახდი. და ვერ ვიტანდი :)  ნამცხვარი კი ძალიან გემრიელია. უხდება კარამელის გემო, და ყავასთან, დილით პირდაპირ მისწრებაა. აი რეცეპტიიიც

200 გრამი თავნაფქავი ბურღული

1 ლიტრი რძე

200 გრამი შაქარი

3 კვერცხის გული

ვანილი

100 გრამი არაჟანი

100 გრამი კარაქი

მწიკვი მარილი

200 გრამი ქიშმიში

პატარა ჭიქით რომი

+ კარამელი

100 გრამი შაქარი

ავადუღოთ რძე შაქართან ერთად. ჩავურიოთ ვანილი და მარილი. ადუღების შემდეგ ვუყოთ ბურღული და 10 წუთი ვაშუშოთ. თან სულ ვურიოთ, თორემ მიიკრავს. ახლა გადმოდგი ეგა და გააგრილე. ამასობაში დამდნარი ან შერბილებული კარაქი ათქვიფე ნაღებთან ერთად. შეათქვიფე კვერცხის გული სათითაოდ.

ქიშიმშებს მე ოდნავ ნაკლებს ვუშვები, 200 გრამი ნამეტანია, მაგრამ საერთოდ ყოველგვარ ნამცხვარში გამოყენებამდე კარგია თუ "დაასიევბ" ქიშმიშებს. ამისათვის უბრალოდ ცხელ წყალში ჩაყარე და 5 წუთი გააჩერე. შემდეგ გადაწურე და ეგაა. უფრო რბილიც იქნება. მოკლედ ჩაუმატე ეს შენი ქიშმიში ფაფაში, ათქვეფილი მასაც მიაყოლე და ჩაუმატე რომი. რომი თუ არ გაქვს ქვეყანა არ დაიქცევა. საერთოდაც შეგიძლია კარაქის და არაჟნის ნაწილი სულ ამოიღო, თუ გინდა რომ ნაკლებ ცხიმიანი იყოს. 

ძაან გადავუხვიე ახლა მე. მოკლედ ეს ყველაფერი რომ ერთმანეთში აირევა, მოამზადე კარამელი.  შაქარს დაასხით 3 სუფრის კოვზი წყალი, შეგიძლია უყო რამოდენიმე წვეთი ლიმონი და ადუღეთ გაიქროსფერებამდე. კარამელი მოასხი ფორმას, ცოტა დაელოდე რომ გამაგრდეს და მოასხი ცომი. თავი კარგად მოუსწორე და გამოაცხვე 200 გრადუსზე, 15 წუთით. გააცივე და გემრიელად მიირთვი :P 

ძალიან გემრიელია

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Crevettes à l'américaine / კრევეტები ამერიკულ სოუსში

რამდენჯერ გადაგიყრია თევზეულის ნარჩენები? მე სულ ნაგავში გადავუძახებდი ხოლმე, სანამ არ აღმოვაჩნე რომ მათ სასწაულის მოხდენა შეუძლიათ. ამერიკული სოუსი, ჩემთვის ყველაზე ფაუვერფულ სოუსია რაც კი არსებობს. ქართულად ვერაფრით ვერ გადმოვიტანე, არ ქართულდება ეს სიტყვა - powerfull - ძლიერი სოუსი რა უბედურებაა? მოკლედ, დიდი ენერგიის მატარებელია, ძლიერია და მუსლინივივით სრიალა. ეს სოუსი ნებისმიერი თევზეულისგან მზადდება და ცალკე შემწვარ თევზის ხორცს დიდებულებას მატებს, ხაზს უსვამს რათა გემო კიდევ უფრო გააძლიეროს. ფაუერ, რა! :D



500 გრამამდე კრევეტები
2 თავი ხახვი - ერთი თეთრი და ერთიც წითელი
2 კბილი ნიორი
250 გრამი ტომატის სოუსი ან 2 პამიდორი
150 მილილიტრი ღვინო
ცოტაც კონიაკი
კარაქი - ზეთი
დაფნა - ქონდარი
მარილი

გააცალე კრევეტებს კარაპასი (გამისწორეთ, თუ ბარბარიზმია) და შეინახე ცალცალკე. დაადნე კარაქი და დაუმატე ზეთი. სასურველია ზეითუნის. დააყარე ხახვი და გააოქროსფერე ნელ ცეცხლზე. დაუმატე ნიორი. მერე დაუმატე კრევეტების კარაპასები. აბა, კი არ ვხუმრობ, მართლა. ამ ნარჩენებს იმისთანა გემო აქვს, ნელ ცეცხლე უნდა გამოიყვანო და რაც შეიძლება მეტი არომატი გამოაცალო. 5 წუთი შუშე და მერე დაასხი ღვინო. დატოვე 5 წუთი. მერე დაამატე ტომატის სოუსი, დაფნა, ქონდარი, დაახურე თავზე და შუშე 15 წუთი.  თავს რომ მოხდი მოასხი კონიაკი, ნახევარი არყის ჭიქა დაახლოებით და მოუკიდე ცეცხლი. დაანახშირე კრევეტები და გადაყარე. არა, :D მართლა კი არა, ვხუმრობ, თავისით ჩაქრება ნახევარ წუთში და კარგ გემოს დაუტოვებს. ნეტა კარგად მაინც თუ ვხუმრობ :პ მერე აიღე საწური და გადაწურე წვენი ცალკე მომცრო ქვაბშიმ რაც საწურით არ გადაიწურისმ ხელით დაწურე. ხახვმა, კრევეტების კარაპასმა და ყველა დანარჩენმა ღვნისა და ტომატის სოუსს კარგად გემო მისცა. ახლა ეს ნარჩენები ჩაუძახე სანაგვეში და უგემრიელესი ესენცია ცეცხლზე შემოდგი. ადუღე მანამ, სანამ სოუსის კონსისტენციას არ მიიღებს. აი, დაახლოებით კეჩუპივითმ ოდნავ უფრო თხელი უნდა იყოს. აქ, გადაიტანე სოუსი კრევეტებთან ერთად ტაფაზე და შეაცხელე. უყავი ცოტა მარილი გემოვნებით და მიირთვი ნებისმიერ გარნირთან ერთად. მე მაკარონთან ერთად გეახელი.

ამერიკული სოუსი ძალიან, ძალიან დიდი ენერგიას და არომატებს აერთიანებს. სამზარეულოს ნარჩენებს ამხელა ძალა აქვს! ამ სოუსის გაკეთება თევზეულის ნებისმიერი ნარჩენისგან შეიძლება.  აბა, ბონ აპეწი !!!

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Salade Woody de Nonoko / სალათი ვუდი ნონოკოსგან :P

ნონოკომ ორად ორი სიტყვა დაწერა - Melinda and Melinda, ჰა სამი - ერთიც კავშირი. და მიაყოლა ეს სურათი

მე ნერწყვი მომადგა. და თუ შენც, აი, მისი სწრაფი და გემრიელი სალათი - ვუდი დავარქვი მე და შენ რაც გინდა ის დაარქვი.

დაგჭირდება:
ავოკადო 
ორაგული
სალათის ფურცლები, სასურველია ნარევი
ყველი იმერული ან ფეტა
ზეითუნის ზეთი

ეს ყველაფერი გემოვნებით აურ-დაურიე და გემიმრიელად მიირთვი :პ ხო კაია?

პ.ს. ჩემი აზრით ამ ამბავს ვინეგრეტი მოუხდება და აი ჩეი რეცეპტიც:

 შევურიოთ ერთი-ერთზე ზეითუნის ზეთი და ჩვეულებრივი ზეთი. ეს ზეითუნის ეკონომიისთვის, თანაც ზეთის შერევა ქოლესტერინს ამცირებს და კარგია. დოზები წუსტად არ ვიცი :P ჰა შევეცდები - ვთქვათ ორი სუფროს კოვზი ზეითუნი და ორიც მზესუმზირა. ჩავუმატოთ ძმარი, 2 ჩაის კოვზი ალბათ. ჩავუმატოთ 1 ჩაის კოვზით ტკბილი მდოგვი.  ვუყოთ მარილი და ავთქვიფოთ. (მე ამ სოუსს ვაკეთებ ნახევარლიტრიანი ქილით, ქილას ვანჯღრევ და ასე ვთქვეფ, იოლად და მერე ვინახავ მაცივარში, ყოველდღე ხელახლა რომ არ ვაკეთო.) მოასხი მერე რა სალათასაც გინდა.

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Hachis parmentier / ჰაში პარმანტიე

მოვრჩი გამოცდებს და დავისვენე. ჰოდა მოვიცალე სამზარეულოსთვის, ოჯახისთვის და თქვენთვისაც. კარტოფილიუმის თვე გამოვაცხადე და, აჰა, ესეც კიდევ ერთი კლასიკა ფრანგული სამზარეულოდან. ჰაში ჩემი შვილის საყვარელი კერძია. მიყვარს. იმიტომ რომ იოლად იგუებს ვარიაციებს - რაც მაქვს მაცივარში ,იმას ვჯერდები-ხოლმე. თუ რამე მაკლია - წავუმატებ მეგრულ აჯიკას და გაიტანს. მთავარია ხორცი იყოს და კარტოფილი :პ

მასალად:

1 კგ კარტოფილი

400 გრამი საქონლის რბილი ან გატარებული ხორცი

1 თავი ხახვი

1 კბილი ნიორი

არაა აუცილებელი, გემოვნების მიხედვით, ნახევარი კონა ოხრახუში

1 კვერცხი

300 მილიგრამი რძე

მუსკატის კაკალი

მარილი და პილიპილი

კვერცხის ამოღება შეიძლება და კარაქიც თქვენი გემოვნებით დაუკელით ან მიამატეთ. ბაზა - კარტოფილის პიურე და გატარებული ხორცია. ესეც ჩემი რეცეპტი.

გათალე კარტოფილი და მოხარშე ა ლ ანგლეზ. ესე იგი, თუკი სხვა შემთხვევაში მარილიან ცხელ წყალში ვყრით ბოსტნეულს, ინგლისურ ვარიანტში ცივ, მარილიან წყალში ვაწყობთ კარტოფილს და ვხარშავთ. ადუღების მერე ცეცხლზე გააჩერე დაახლოებით 25 წუთი.

თუკი ხორცი გაქვს, ჯერ მოხარშე, მერე დააქუცმაცე და მერე გაატარე. ასე ხორცი საოცრად გემრიელია. ნელ ცეცხლზე მოთუშე წვრილად დაჭრილი ხახვი და ნიორი.  ცალკე დაჭერი წვრილად ოხრახუში. ცალკე ჯამში აურიე ხახვი, ოხრახუში, ხორცი და კვერცხი. უყავი მარილი და პილპილი გემოვნებით.

მეორე ვარიანტი: უფრო ხშირად იოლ გზას ვირჩევ. წინა უფრო გემრიელია, მაგრამ ხანდახან დრო თუ არ მყოფნის, პირდაპირ, გატარებულ ხორცს ვათავსებ ცხელ, ზეთმოსმულ ტაფაზე.

ამ შემთხვევაში, დაახლოებით 3 წუთში ვუმატებ ხახვს და ნიორს და ერთად ვშუშავ. მერე ცალკე ვამატებ ოხრახუშს და ვკმაზავ.

კარტოფილი მოიხარშა ამასობაში. გადაუწურე წყალი და გააკეთე პიურე. უკეთესია ბოსტნეულის გასატარებელში, წმინდა პიურე გამოდის. თუ არადა, როგორც აკეთებ ისე. ბოლოს უყავი ცხელი (ცხელი!!!) რძე (დაუკელი რძის რაოდენობას თუ ძალიან გათხელდა), კარაქი და კარგად ამოურიე. უყავი მარილი და მუსკატის კაკალი გემოვნებით. მუსკატი ბევრი არ მოგივიდეს, ყველა გემოს გადაფარავს.

კერამიკის ღრმა საცხობს მოუსვი კარაქი. ჩააფინე პიურეს ნახევარი. დააფინე ხორცი თანაბრად. მერე ისე კარტოფილის მეორე ნახევარი. მიასწორ- მოასწორე. შეგიძლია თავზე მოაყარო გახეხილი ყველი - ჰოლანდიური ან ემანტალი. შეაგდე 200 გრადუსზე და აცხვე შეწითლებამდე.

მიირთვი ცხელ-ცხელი.

პ.ს. თუ ეს და სხვა, გამოუქვეყნებელი რეცეპტები გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Gratin dauphinois / კარტოფილის გრატანი დოფინუა

ახლა უნდა ისეთი რამის რეცეპტი მოგართვა, ერთი ნახვით კი არადა ჭამით რომ შეგიყვარდება:) გრატან დოფინუა, ანუ კარტოფილის გრატანიო :P თუ რომელიმე კერძს ფრანგულ სამზარეოლოს განუყრელ ნაწილს დავარქმევ, ეს ნადვილად კარტოფილის გრატანი იქნება. ყველა ოჯახში მზადდება და ყველგან მცირედი შესწორებებით. ესეც კიდევ ერთხელ დასტური იმისა, რომ უბრალო, მიწიერი პროდუქტები ბედნიერების ნაწილაკებს ბლომად შეიცავენ. ალე, გთავაზობ კარტოფილის გაიდეალებას იანვრის ცივ თვეში - ვიწყებ გრატანით. 

მასალად:

800 გრამი კარტოფილი კარტოფილი

ერთი თავი ხახვი

ორი კბილი ნიორი

მუსკატის კაკალი

300 მლ.  არაჟანი

300 მლ. ცხიმიანი რძე

მარილი და პილპილი

დავჭრათ კარტოფილი მრგვალ, თხელ ნაჭრებად და მოვათავსოთ ქვაბში. დავასხათ არაჟანი და რძე და წამოვადუღოთ. დავუკლოთ ცეცხლს და გავაჩეროთ  10 წუთი. ფრთხილად იყავი, კარტოფილი ძორზე არ მიგეწვას. მერე გადავიტანოთ  გრატანის ფორმაში - ფენა ფენად  - მოვაყაროთ მარილი, შავი პიმპილი, ცოტა (!) მუსკატის კაკალი მოვაფქვიოთ, მოვაჭრათ ხახვი, მე ნახევარ ხახვს ხელში ვიჭერ და ვათლი ზედვე. დავჭყლიტოთ ნიორი და ეგრე გავიმეოროთ ბოლომდე. ბოლო ფენა მარტო კარტოფილი უნდა იყოს. თავზე შეგიძლია მოაყარო რომელიმე ჰოლადიური ყველი, ან სულაც სულგუნიც არ აწყენს. მე ფრანგულ ემანტალს ვწყალობ. შედგი 180 გრადუსზე და აცხვე  მანამ, სანამ თავი არ მოიბრაწება. ფრთხილად, რძე რომ ადუღდება შეიძლება გადმოიაროს, ამიტომ გაითვალისწინე და ღუმელის ქვედა სართულზე რამე დაუხვედრე. თორემ მიიწვავს :) თავი რომ დაიბრაწება, მზადაა.

აბა :) ძაან გემრიელია, ძაან ძაან, ყველანაირ მშრალ ხორცეულს უხდება - კატლეტებზეც წავა, სოსისზეც, ბურგინიონზეც, სოუსზეც :)

პ.ს. თუ ეს და სხვა, გამოუქვეყნებელი რეცეპტები გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

ჩემი რეცეპტები (ელექტრონულ) წიგნად: არ მჯერა და არადა მართალია

             ჯერ ხუმრობა მეგონა. მერე დიანამ მითხრა რომ სრულიად სერიოზული ამბავი იყო. ჰოდა მეც სრული სერიოზულობით მივუდექი ამ ამბავს. დავჯექ წერად რეცეპტებისად. ხელახლა დავწერე ძველი რეცეპტები და მივუმატე ბევრი ახალი. 

            მცირე საჭირო გადახვევა: ამასწინ კულინარიის წიგნებზე ფრანგულ ტელევიზიაში გადაცემას ვუყურე. გაანადგურეს წიგნის ავტორები - თურმე ფოტოებზე სულ გაყალბებული კერძებია. აის ფოტოები, მოხარშული ბოსტნეული ცინცხალივით რომ გამოიყურება. ჰოდა, სადღაც სიამაყით გავიფიქრე რომ თუკი ჩემი ფოტოების ხარისხი ალაგ-ალაგ მოიკოჭლებს, ყველაფერი ნამდვილია და არმოგონილი. 

              ასე რომ, თუ ფრანგული კულინარია გაინტერესებს, გიხსნი ქართულ და გასაგებ ენაზე. არათარგმნილ რეცეპტებს, შენ რომ ცდი და რომ გამოგივა ისეთებს, ნახავ აი აქ: 

https://saba.com.ge/books/details/1369

              მადის გასახსნელად ნახე ფოტოები. ეს ის კერძებია, მარტო წიგნში რომ დარჩება. ბლოგზე კი შემოიხედე, ვაგრძელებ თავგადასავლებს და თებერვალში მაკარონების ეკლიან გზას უნდა შევუდგე.

              (თუ დიანა ანფიმიადის "პირადი კულინარია" არ წაგიკითხავ, ესე იგი პირველწაკითხვის სიამოვნება გელის და მშურს შენი  https://saba.com.ge/books/details/1070)

 ორაგულის ულამაზესი და უგემრიელესი კრემი

 კარტოფილის გრატანი

 მწვანე ლობიო პერსიადით

 კიში პრასით და თხის ყველით

 კიში ლორენი

 ქათამი ბასკურად ანუ ქალბატონი ქათამი დაბრაწული და ჩაშუშული ღვინის სოუსში

 აში პარმანტიე

კრევეტების და მანგოს სალათი

ვაშლის ტარტი ტატანი - საოცრებათა საოცრება