3 ცალი ყაბაყი
200 გრ ორაგული (სავარაუდოდ ფენებად დაჭრილი)
180 გრამი თხის მდნარი ყველი chèvre
პილპილი
ზეითუნის ზეთი
რეჰანი ან ბაზილიკა
100-150 მილილიტრი ნაღები ან არაჟანი
1 კბილი ნიორი
გააცხელე ღუმელი 240 გრადუსზე.
გაჭერი ყაბაყი სამად და ამოაცალე გული. ყაბაყის ძირი ხელშეუხელბად დატოვე. მოამზადე სატენი: დაჭერი წვრილად ორაგული, ყველი, ბაზილიკა და ყაბაყის გული. გააცხელე ზეთი ტაფაზე და ჩაშუშე ყაბაყი. რომ გამზადდება, დაუატე ორაგული, ყველი, მარლი, პილპილი და ბაზილიკა.
ჩატენე ეს ყველაფერი ყაბაყში და გამოაცხე 45 წუთი.
დარჩენილი სატენი ათქვიფე ნაღებთან და ნიორთან ერთად. წამოადუღე და შეანელე გემოვნებით.
ცალკე შეგიძლია მოამზადო ან პიურე, ან ბრინჯი. აი, რიზოტოს იდეაც:
1 თავი საშუალო ხახვი
2-3 მოზრდილი სტაფილო
400 გრამი ბრინჯი
3 ბულიონის კუბი
200 მილილიტრი თეთრი ღვინო
და დანარჩენი წყალი (ერთ წილ ბრინჯზე ორი წილი სითხე)
ზეითუნის ზეთი
მარილი/პილპილი/ზაფრანი
სურვილისამებრ, პარმეჯანო
შეაწითლე წვრილად დაჭრილი ხახვი. დაუმატე ასევე წვრილად დაჭრილი სტაფილო. მერე ჩაყარე ბრინჯი და ოდნავ შეაწითლე. დაასხი ღვინო და წყალი. დაახურე თავზე. აადუღე და ცეცხლს დაუკელი. დატოვე ნელ ცეცხლზე 10-15 წუთი. სახურავი არ ახადო. გამორთე და დატოვე თავდახურული კიდევ ხუთი წუთი. გატანისას შეგიძლია მოაყარო პარმეჯანო.
მერე ლამაზად გააფორმე წინასწარ გაცხელებული თეფშები და მიირთვი ცხელ-ცხელი.
P.S. ნახე ჩემი ელექტრონული წიგნი ბლოგის ყველა რეცეპტით და კიდევ ბევრი სხვა გემრიელობებით:
P.S. არ დაგავიწყდეს ფეისბუქზე დამალაიქო - როგორც კი ახალ რეცეპტს დავდებ, საქმის კურსში იქნები :P თან დამეხმარები ბლოგის გაპოპულარებაში. მადლობაააა
No comments:
Post a Comment