Clafoutis aux griottes / ალუბლის კლაფუტისი

კუკუუუ,  ჩემგან დავიწყებულო კულინარებო. ვერ მოვიცალე სამზარეულოს თავგადასავლებს მივყვე იქ საითაც წამიყვანს რეცეპტების ქარი. ჰოდა, სადაც თავგადასავალი არაა, არც ფათერაკია და შესაბამისად დასაწერიც არაფერია. ვიცი მაპატიებთ, იმიტომ რომ კაი რეცეპტით მოვედი. მსუბუქი, გამაგრილებელი, იოლი. სამი სიტყვით ასე დავახასიათებ კლაფუტისს. ისეთი იოლია, წარმოიდგინეთ რომ არც გაკეთება დამეზარა და არც დაწერა - რადგან დასაწერიც ცოტაა და საქმეც. ჰოდა რა ჯობია როცა იოლი ასე გემრიელია? (ხომ იცი, სახლის რეცეპტებია, ჰოდა სახლის რეცეპტი - სახლის ბანძური ხარისხის სურათი :)) არ გამიბრაზდეეეთ)

ა, თქვენ, ბოლო წამში გასაკეთებელი ვივეტის -  ჩემი ბელ-მამანის - რეცეპტი.

700 გრამი ალუბალი ან ნებისმიერი სხვა წითელი მომჟაო ხილი
100 გრამი შაქარი
60 გრამი ფქვილი
300 მილილიტრი რძე
3-4 კვერცხი - ზომას გააჩნია
თუ გაქვს - კირში
ცოტა ვანილი

ალუბლის გარდა ყველაფერი აურიე. მოუსვი კარაქი ფორმას. ჩემი კერამიკის ფორმა ოთხუთხედია - 23/23-ზე. ჩაყარე ამ ფორმაში ალუბალი. კაკალი თუ გამოიღო? მაგის დრო თუ გაქვს რამე უფრო სვეცკი გააკეთე :დ მე პირდაპირ ვყრი. მოასხი კრემი. აცხე 200 გრადუსზე 30-45 წუთი. როცა თხევადი აღარაა - მზადაა.
ხომ გითხარი იოლი თქვა )))

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

ქრამბლი წითელი ხილითა და ვაშლით / crumble : pommes et fruits rouges

ჩემი ერთერთი უსაყვარლესი ნამცხვარი ორი უკედურესად განსხვავებული ტექსტურის ნაზავია: ფხვიერი ზედაპირისა და მდნარი გულის. რაც ყველაზე მეტად მიყვარს -  თან მჟავეა და თან ტკბილი. გემოს და ტექსტურის კონტრასტი პირდაპირ გულს მიფრიალებს. აბა... ვინ იფიქრებდა რომ მენანცხვრე ქალს შოკოლადი კი არა, წითელი ხილი მიჩქარებს გულს. მთელი ბედნიერება ნუშისა და კარაქშია. უფრო სწორად, მათ ერთად ყოფნაში - ფრანგები ამბობენ, ქორწინებაშიო :პ როგორ აგიხსნა? ჩემი სელის თქმით, ნუშის და კარაქის გემო პირდაპირ გულს უჩვილებს. ამაზე უკეთ მე ვერ აღვწერ. აბა, ქურებთან - თბილ-თბილად მისართმევი ნამცხვრის რეცეპტი მოვიდა!

ფოტოზე: ნამცხვარს ძირზე ფხვიერი ცომი ჩავუფინე, ცომის რეცეპტი იხილე აქ. სავალდებულო არაა, კი არადა, ამძიმებს კიდეც ნამცხვარს, უბრალოდ მისართმევად უფრო კულტურულად გამოიყურება :პ ნაჭრებადაც იჭრება და არ იშლება. მოკლედ. კლასიკური რეცეპტი იხილე ქვემოთ.

(To crumble - ფხვნას, დაფშვნას ნიშნავს. ფხვნას ხომ არ დავარქმევდი ? ამიტომაც, არ ვთარგმნე. ) 

250 გრამი წითელი ხილის ნარევი

(ან მხოლოდ ერთერთი - ჟოლო, შავი ან წითელი მოცხარი, მაყვალი, ბალი, მოცვი)

250 გრამი ვაშლი

150 გრამი შაქარი

125 გრამი ცივი კარაქი (ცივი ტყუილად არ წერია)

75 გრამი ნუშის ფქვილი (ან მარტივად, გატარებული ნუში)

100 გრამი ფქვილი

მწიკვით მარილი

შესაძლოა გაკეთდეს მხოლოდ ერთი სახეობის ხილითაც და ნუშის ფქვილის გარეშეც, რომელსაც ჩვეულებრივი ფქვილით ჩაანაცვლებთ.გააცხელეთ ღუმელი ზედა და ქვედა წვის ფუნქციაზე, მოუსვით ფორმას კარაქი. ცაკლე,

დავჭრათ ვაშლი კუბიკებად, დავწვათ ერთი ბურთულა კარაქი და რაც არ უნდა გაგიკვირდეთ, შევწვათ, უფრო კი შევაწითლოთ ვაშლი. სასურველია პატარა ფორმებში გამოცხობა, თუ არადა ჩვეულებრივსაც არა უშავს. რახან ნამცხვარი ფორმიდან არ ამოდის, ანუ არ იჭრება ტრადიციულად, ინდივიდიალური, კერამიკის ჯამებში უფრო ლამაზია. რაშიც არ უნდა აკეთებდეთ, ძირს დააწყვეთ ვაშლები.

ცალკე აურიეთ 50 გრამი შაქარი წითელ ხილს და ესეც მოაწყვეთ მეორე ფენად. თუ წვენი დარჩა, უხვად მოასხით. ახლა იწყება ერთი შეხედვით მარტივი ეტაპი. ფქვილი, შაქარი, ნუში, კარაქი და მარილი უნდა აურიოთ ისე, რომ მასა დარჩეს ფხვიერი. დაახლოებით როგორც მჭადის ფქვილია.

პრობლემა ისაა, რომ თუ თბილი ხელები გაქვთ, კარაქი შემოგადნებათ და ცომი შეიკვრება. ამის თავიდან ასაცილებლად, ერთმა შეფ მზარეულმა მირჩია რეზინის ხელთათმანები გამეკეთებინა. მოკლედ, სამედიცინო ხელთათმანებია. მასა აურიეთ თითის წვერებით და მოაყარეთ ხილს, მაინცდამაინც ნუ დატკეპნით.ვაცხოთ 30-35 წუთი. დაუკვირდით, თავი რომ შეუწითლდება, მზადაა.

მიირთვით ცხელი, თბილი ან ცივი. ვგიჟდებიიიიი მმმმმმმ !!!

და თავს შევიქებ და ვიტყვი, ჩემი რეცეპტი უგემრიელესია.

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Mayonnaise / მაიონეზი

ვერ ვიტან ნაყიდ მაიონეზს. გრრრრ. ცუდად ვხდები. სახლის მაიოს კი რა ჯობს - ათასნაირად შეგიძლია შეალამაზო მწვანილებით, სუნელებით და მიატანო კაი მწვადს. კი, ხორცს უხდება. აბა მაიონეზიან სალათს მე არ ვცნობ :პ
მოკლედ, ესეც ჩემი დედამთილის რეცეპტი. ერთი შეხედვით მარტივია, მაგრამ ერთი ორი ტექნიკური დეტალის ცოდნაა საჭირო. თუ რომელიმე ეტაპი გამოტოვე, მაიონეზი არ ამოვა. გამოთქმაცაა ფრანგული, მაიონეზი არ ამოვიდაო = ე.ი. ურთიერთობა ვერ შედგაო :პ ჰოდა, ჩემი და შენი ურთიერთობა კაი ხნის ამოსულ-გამოსულია და ამ რეცეპტით რომ დაგივიწყე იმის პატიებას ვითხოვ :პ


მასალა:

1 კვერცხის გული
2 კარგად სავსე ჩაის კოვზი ტკბილი მდოგვი
1 ჭიქისდენი დაახლოებით მზესუმზირას ზეთი
ნახევარი ჩაის კოვზი ძმარი
მარილი
პილპილი
მიქსერი





გააცალკევე გული და ცილა. მოათავსე კვერცხის გული და მდოგვი ერთად და დაიწყე თქვეფა. ცოტათი რომ ამოვა, ზეთის დამატება დაიწყე ნელ-ნელა. დაახლოებით ისე, როგორც ამ ნაწვალებ ვიდეოშია.

ზეთის დამატებებს შორის მინიმუმ ნახევარწუთიანი პაუზები გააკეთე და ასე ცოტ-ცოტაობით შეურიე ზეთი. ნელ-ნელა მაიონეზი ამოვა. ესეც მეორე ვიდეო. შუა პროცესში.

ზეთს ხანდახან ნაკლებს ვუშვები, მოკლედ უფრო თვალის ზომით :პ ბოლოში შემთბარი ცოტაოდენი ძმარი უყავი. + მარილი + პილპილი და ეგაა. საბოლოოდ აი, ასეთი ტექსტურა უნდა მიიღო.

მე მგონი ზედეტი ვიდეოებია :პ მოკლედ, დაღამდა ამასობაში და ჩანს ვიდეოზეც :პ ახლა წავედი, ბურგუნდიოული ფონდიუ (fondue bourguignon) უნდა ვჭამო. ეს მაიონეზსაც საფონდუედ გავაკეთე და ახლა მალევე გეახლები. მაგარი რამეა ბურგუნდიული ფონდიუ - ძროხის ხორცის ურბილესი და უსაუკეთესოესი (მომსპობენ ქართული ენის დამცველები) ნაჭრებია და ნაკუწ-ნაკუწ, დიდი ჩანგლით შუა სუფრაზე დაგმულ მდუღარე ზეთში ვწვავთ. მერე სხვადასხვა სოუსებში ვაწობთ და ვჭამთ. რა გვენაღვლება :პ


აბა ჰე!

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Chouquettes de Vivette / შუკეტები ვივეტის რეცეპტით

ჩემი ბელმამანი მეუბნებოდა, ჩემს რეცეპტს რომ დადებ ვივეტის რეცეპტები დააწერეო. ესეც ასე, ვივეტის შუკეტები - ბავშვების სიხარული და ბედნიერება! სამხარზე ოქროსფერი ბურთულებს ერთმანეთს სტაცებენ-ხოლმე ხელიდან. შუკეტები სამუდამოდ ბებოსთანაა ასოცირებული. ბელმამანი თითქმის ერთი წლის წინ წავიდა - მის ხსოვნას კიდევ ბავშვებს ასე ვუნარჩუნებ. უ გ ე მ რ ი ე ლ ე სი და უ მ ა რ ტ ი ვ ე სი შუკეტები.





1/4 ლიტრი წყალი
80 გრამი კარაქი
მწიკვით მარილი
მწიკვითვე შაქარი
150 გრამი ფქვილი
3 ან 4 კვერცხი, ზომის მიხედვით
1 კვერცხიც და 1 სუფრის კოვზი რძეც თავზე მოსასმელად
შუკეტების შაქარი - იხილე, აქვე ფოტოზე, ან ჩვეულებრივი შაქარი

 
ასე გამოიყურება შუკეტების შაქარი

ვაკეთებთ ჩვეულებრივ შუს ცომს. ჩაასხი ქვაბში წყალი, დაუმატე კარაქი, მარილი და შაქარი. წამოადუღე. გადმოდგი ცეცხლიდან. სწრაფი თქვეფით შეაზილე ფქვილი ნელ-ნელა. შედგი ნელ ცეცხლზე და ურიე. ბელმამანის რჩევა - ცომი ხშირ-ხშირად დააჭყლიტე ქვაბის ძირს. და ასე 10-15 წუთი. იცოცხლე, მხრებს გაივარჯიშებ. ასე ივარჯიშე, სანამ ცომი თხელ ფენად ქვაბის ძირს არ მიეკრობა.

გადმოდგი ისევ ცეცხლიდან და თითო-თითოდ შეახალე კვერცხი. ნერვების მომშლელი პროცედურაა - კვერცხი თითქოს ხელიდან გეცლება, დარბის იქეთ აქეთ :პ გადაწყვიტე - 3 კვერცხს სჯერდები თუ მეოთხეც უნდა. ცომი არ უნდა იყოს თხელი და თუ 3 კვერცხზე მიხვდი, რომ მეოთხეს დამატებით გათხელდება, ნუღარ დაუმატებ.

გააცხელე ღუმელი 200 გრადუსზე. მერე ჩაის კოვზით მომცრო ბურთულები დააწყვე ფორმაზე. მოუსვი კვერცხის გულის და რძის ნარევი. მოაყარე შუკეტების მსხვილი შაქრის კრისტალები.

თითებით მიაწებე რაც გვერდით დაცვივდება და შეაგდე 20იოდ წუთით. რომ გაოქროსფერდება, მზადაა.

მიირთვი ყავასთან, საუზმედ ან ტელევზორის წინ :პ ხანდახან გვეპატიება :პ

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo

Glace à la menthe et chocolat / პიტნის და შოკოლადის ნაყინი

ცხელი ზაფხულის ყველაზე შესაფერისი რეცეპტი მოვიდა! პიტნის ნაყინი შოკოლადიც ნამცეცებით - თანაც სახლის - არა ნაყიდი, არა ინდუსტრიული, არა ესენციებით გაჯერებული. ჭამაში განა მარტო გემოა მთავარი - ტექსტურები ხომ ცალკე სიამოვნებაა. წარმოიდგინე, პიტნა რა სასიამოვნა ცხელ ამინდში - პიტნის ნაყინი ენაზე დნება. მერე შიგადაშიგ შოკოლადები კნატუნობენ. იფ იფ...

ამ ნაყინის მოსამზადებლად მივუხვ-მოვუხვევ ცოტას და იმედია ძალიან არ დაგაბნევთ. უბრალო მიზეზით - ინგრედიენტების და საჭირო აპარატის მპოვნელი საქართველოში ბევრი არ მეგულება. არ მიყვარს ისეთი რეცეპტების წერა რომლის რეალიზებაც შეუძლებელია. ვერ ვიტანდი ვერც მე რეცეპტებში ინგრედიენტების დასახელებასაც რომ ვერ ვხდებოდი, პოვნაზე რომ ლაპარაკი ზედმეტია. აბა ვცდი :)

     რამოდენიმე ვარიანტს/გადახვევას შემოგთავაზებთ :) საქმე იმაშია რომ პიტნის ნაყინი კეთდება ან პიტნის ფურცლებით, ან პიტნის სიროფით. ვწერ რეცეპტს პიტნის სიროფის რეცეპტით, რასაც მე ვაკეთებ ძირითადად, და გვერდით ვუთითებ როგორ უნდა გაკეთდეს პიტნის ფოთლებით.

ნახევარი ლიტრი ცხმიანი რძე (თუ სიროფის გარეშე აკეთებთ, ოდნავ მეტი რძე 700 ლიტრი)

3 კვერცხის გული

100 გრამი შაქარი (თუ სიროფის გარეშე აკეთებთ 150 გრამი)

70 გრამი შავი შოკოლადიან

200 გრამი პიტნის სიროფი ან 10-12 ღერი პიტნა

    (თუ პიტნას ნატურალურად გამოიყენებთ, გემო ექნება გადასარევი, მაგრამ ფერი არ ექნება ისეთი ცოცხალი როგორც სიროფის შემთხვევაში. სამაგიეროდ ბუნერბივი იქნება :))

    ვთქვეფთ კვერცხ შაქართან ერთად გათეთრებამდე. მივიყვანოთ რძე ადუღებამდე და ცეცხლს დავუკლოთ. დაახლოებით ვინც იცის, ინგლისური კრემის მაგვარად კეთდება. რძე ადუღების პირას უნდა იყოს და არ კი დუღდეს. ვასხამთ გოგლი მოგლს რძეში და ვურევთ. უნდა რძე სუუულ ოდნავ შესქელდეს (ფოტო 2), სუუულ ოდნავ : ) აქ, თუ სიროფით აკეთებთ, ჩაუმატეთ სიროფი და თუ პიტნის ფოთლებით, პიტნა და გადმოდგით ცეცხლიდან.

    გააცივეთ რამოდენიმე საათი მაცივარში. ამასობაში ვჭრით შოკოლადს მსხვილად. 6 საათის მერე მიღებული მასა ჩაასხით აისმეიქერში, თუ გაქვთ. ატრიალეთ ნახევარი საათი და ჩაუმატეთ შოკოლადი. ატრიალეთ კიდევ ნახევარი საათი და შედგით საყინულეში.

    თუ არ გავქთ აპარატი, გაციების შემდეგ ვდგამთ მაცივარში ნაყინს და ვურევთ ხშირად პირველი რამოდენიმე საათის განმავლობაში. 2 საათში ჩაუმატეთ შოკოლადი და კარგად ამოურიეთ. ამორევის მიზანია რომ ნაყინი არ შეიკრას კრისტალებად. ამოიღეთ მერე ბურთულებად და გემრიელად მიირთვით :) ესეც სახლის ნაყინი :)

P.S. ნახე ჩემი ელექტრონული წიგნი ბლოგის ყველა რეცეპტით და კიდევ ბევრი სხვა გემრიელობებით:

https://saba.com.ge/books/details/1369?

თუ გინდა ახალ-ახალი რეცეპტების შესახებ ინფორმირებული იყო, დამალაიქე ფეისბუქზე - https://www.facebook.com/tinispiradisapzareulo

Tarte abricot amandine / გარგარის ტარტი ნუშის კრემით

ნამცხვრებში ძალიან პრეტენზიული ვარ. არ მიყვარს მძიმე-მძიმე რეცეპტები: ბევრი ცომი და ბევრი კრემი. მიყვარს ყველაფერი რაც მჟავეა, ფხვიერი და ნაკლებ ცომიანი. რაღა თქმა უნდა ვგიჟდები ტარტებზე. რა ჯობია ზაფხულობით ტარტს? ხილს სეზონის მიხედვით ვარჩევ და გაგიხარია, ვატარებ ექსპერიმენტებს. ესეც, ჩემი ბოლო ექსპერიმენტი. სტუმრად წავიღე და იქ დავტესტე. შედეგი - გადასარევი. ცხობაში გარგარი მომჟავო გემოს იძენს, სწორედ ისეთს, მე რომ მიყვარს. ნუშის კრემი ზედ აკვდება. საერთოდ, ფხვიერ ცომშიც ცოტაოდენ ნუშს ვურევ და არ ვიცი

რატომ, მაგრამ ნუშის და კარაქის შეხმატკბილება პირდაპირ გულს მიჩუყებს ხოლმე. ისეთი ემოციური ნარევია. მოკლედ, ჩემს დას მონატრებული ქმრისთვის უნდა ამ ტარტის გამოცხობა და  - ეთ, ესეც შენ, გარგარის ტარტი - მოგიძღვენი. მერე შედეგები დაგვიშეარე :პ







27 სანტიმეტრი რადიუსის ტარტისთვის
ფხვიერი ცომი - რეცეპტი იხილეთ აქ:

ნუშის კრემი:
3 კვერცხი
70 გრამი ნუშის ფქვილი
130 გრამი შაქარი
120 გრამი შერბილებული კარაქი
10 გრამი მაისენა ან კარტოფილის ფქვილი - სავალდებულო არაა

გარგარის შიგთავსთვის:
1 კგ გარგარი
ცოტა შაქარი თავზე მოსაყრელად

დაიწყე ფხვიერი ცომის მოზელით. გამოაცხვე ტარტის ძირი იმ წესით რომელიც მითითებულია ზემოთა ლინკში. იმის გათვალისწინებით, რომ ცომი ღუმელში ისევ შებრუნდება. ანუ, შეგიძლია ოდნავ ნაკლებად გამოაცხო. როცა მზადაა, გაგრილება ადროვე.

ამასობაში აურიე კრემის ინგრედიენტები სანამ ერთგვაროვან მასას არ მიღებ.

ცალკე, გააცხელე ღუმელი 220 გრადუსზე. გამოაცალე კურკა გარგარს. მანამდე გარეცვხა თავისთავად. დააწყვე ბრტყელ ფორმაში, ისე რომ გაჭრილი მხარე იყოს ზევით. მოაყარე ცოტა შაქარი და შეაგდე 10-იოდ წუთით ღუმელში. გარგარი უნდა შეწითლდეს და შეიბრაწოს. მერე გამოიღე. გამოაცალე წვენი - რაც მე კრემში შევურიე. სავალდებულო არაა.

დაუკელი ღუმელს 180 გრადუსზე. ტარტის ცომში მოათავსე ჯერ ნუშის კრემი. მერე გარგარი ჩააწყვე. შეაბრძანე ტარტი ღუმელში 15 წუთით.

მერე გააციე, თავზე გასაფორმებლად ნუშის ფქვილი მოაყარე და ისიამოვნე :P

P.S. ნახე ჩემი ელექტრონული წიგნი ბლოგის ყველა რეცეპტით და კიდევ ბევრი სხვა გემრიელობებით:

https://saba.com.ge/books/details/1369?

თუ გინდა ახალ-ახალი რეცეპტების შესახებ ინფორმირებული იყო, დამალაიქე ფეისბუქზე - https://www.facebook.com/tinispiradisapzareulo

Tarte au chocolat, piment d’Espelette / ტარტი შოკოლადი/წიწაკა

ვის უყვარს შოკოლადის და წიწაკის ქორწინებაო უნდა მეთქვა, და მივხვდი რომ ფრანგულ გამოთქმას ვაქართულებდი. არ ვარგა. არაა ლამაზი. როგორ ვთქვა? შოკოლადის და წიწაკის შეხვედრა? პაემანი? ასეა თუ ისე, ეს ტკბილ-მწარე თავგადასავალი თუ არ გამოგიცდია, ბევრი რამ დაგიკარგავს! უუუუუუმაგრესია! თანაც, ეს ტარტი, ადვილია და სწრაფი. ისეთი ეფექტურია: ჯერ სათქმელად რად ღირს - ტარტი შოკოლადი/წიწაკა; და მერე, რა ლამაზია? გემო კი, შევარდი ახლა სამზარეულოში და გამოსცადე!



ცომისთვის:
170 გრამი ფქვილი
100 გრამი შერბილებული კარაქი
1 სუფრის კოვზი შაქარი
მწიკვით მარილი

გარნიტურისთვის:
200 გრამი 70 პროცენტიანი შოკოლადი
1/4 ჩაის კოვზი წითელი წიწაკა - საფრანგეთში ცნობილ ესპელეტის წიწაკას ვხმარობ
20 მილილიტრი ნაღები
20 მილილიტრი რძე
2 კვერცხი


ფქვილის ინგრედიენტები ერთმანეთში აურიე. ფხვიერ ცომს ბევრი ზელა არ უყვარს. მერე მაცივარში შეაგდე მინიმუმ ერთი საათით. დროის გასვლის შემდეგ, გააბრტყელე და გამოაცხვე. ტარტის ცომის გამოცხობის ტექნიკა იხილე აქ.

მოამზადე გარნიტურა: მიიყვანე ადუღებამდე რძე და ნაღები. ჩაყარე დატეხილი შოკოლადი, აურიე და გადმოდგი ცეცხლიდან. დაასვენე 10 წუთი და შეათქვიფე ხელით კვერცხი. უყავი წიწაკის ნაწილი. მოიტოვე ერთი მესამედი თავზე მოსაყრელად. შეაბრუნე 1-2 წუთით ღუმელში, ცხობისთვის კი არა - უბრალოდ შოკოლადის ზედაპირი გასწორდება. მერე შეაგდე მაცივარში.

გატანის წინ, მოაყარე წიწაკა :პ და მიირთიიიიიიიიიიი

უგემრიელესია. დაიმახსოვრე, რომ ტარტის უმეტესი ნაწილი შოკოლადია და რაც უფრო უკეთესი ხარისხისას აირჩევ, მით უკეთესი!

პ.ს. თუ ეს და ბევრი სხვა რეცეპტი გინდა ერთად თავმოყრილი, მიბრძანდი საბაზე:

https://saba.com.ge/books/details/1369?

ან კიდევ, დამალაიქე ფეისბუქზე:

https://www.facebook.com/tinispiradisapzareulo