(P.S. უბრალოდ დაჭრილი ვაშლი პირდაპირ რომ ჩაყარო ცომის ბაზაში, იგივე გემო ექნება ტარტს და ნაკლებად იწვალებ)
ცომისთვის:
250 გრამი ფქვილი
125 გრამი კარაქი
1 კვერცხი
60 გრამი შაქარი
მწიკვით მარილი
(შეგიძლია მზა ფენოვანი ან ფხვიერი ცომით ჩაანაცვლო)
გარნიტურისთვის
4 მოზრდილი ვაშლი
100 გრამი შაქარი (მუქი მოყავისფრო შაქარი - sucre de canne / brown sugar- თუ იშოვება არ ვიცი, ის ჯობს, თუ არადა ჩვეულებრივი)
(+ 200 მილილიტრი brown sugar-ს სიროფი, თუ გვაქვს - ფრჩხილებშვი ვსვამ, რადგან აუცილებელი არაა და თუ გვაქვს შაქარი მხოლოდ 50 გრამი ვუყოთ)
10 გრამი კარაქი
3 ს/კ ფქვილი
3 კვერცხი
მწიკვით მარილი
1 ჩაის კოვზით დარიჩინი
ცომის სუყველა ინგრედიენტი ერთმანეთში აურიე, სანამ ერთგვაროვან ცომს არ მიიღებთ. შედგი მაცივარში ნახევარი საათით.
ამასობაში ათქვიფე მთლიანი კვერცხი შაქართან და გამდნარ კარაქთან ერთად. შემდეგ ჩაუმატე ფქვილი და დარიჩინი, მწიკვით მარილიც. (სიროფიც აქვე ჩავუმატოთ. თუ გვაქვს)
ვაშლს როგორც გინდა ისე დაჭრი და ისე ჩააწყობ. მაგრამ თუ გინდა რომ ისეთივე ლამაზი "პეროგი" გამოგივიდეს როგორც ჩემია ფოტოზე, მაშინ გააკეთე ჩემსავეთ: ვაშლს ვთლი და მრგვალ, თხელ ნაჭრებად ვჭრი. მხოლოდ ამის შემდეგ ვჭრი თითოეულ ნაჭერს შუაზე და ვაცლი გულს. ასე ბევრად ლამაზი ნახევარმთვარისებური ფორმა აქვს, ვიდრე ჯერ რომ შუაზე გავჭრათ, მერე გული ამოვჭრათ და მერე თხელ ნაჭრებათ დავჭრათ. მოკლედ:
ამის შემდეგ გააბრტყელე ცომი მსუბუქად ფქვილ მოყრილ დაფაზე. ჩააფინე კარაქმოსმულ ფორმაში. ჩააწყვე ვაშლები ისე, როგორც ფოტოზეა მოცემული (ან სხვაგვარად) და მოასხი კვერცხის მასა ფრთხილად, ისე რომ ვაშლების ამდენი წვალებით მიღებული ლამაზი ფორმა არ დაიშალოს :) რაც ზედმეტი ცომი მოვიდეს, ნუ დაგენანება, არ მიკეც-მოკეცო, ამოჭერი, პრეზენტაციაც მნისვნელოვანია :)
აცხვე 150 გრადუსზე 45 წუთის განმალობაში :)
P.S. ნახე ჩემი ელექტრონული წიგნი ბლოგის ყველა რეცეპტით და კიდევ ბევრი სხვა გემრიელობებით:
No comments:
Post a Comment